Огромен пожар зафатил огромен дрвен хангар во градот Тустин во јужна Калифорнија, кој бил изграден за воени потреби за време на Втората светска војна.

Противпожарната служба на округот Оринџ соопшти дека дозволувањето на структурата да се урне е единствениот начин за борба против пожарот, пренесе АП.

„Поради природата на пожарот и непосредната опасност од колапс, утврдивме дека оперативно најправилен метод е да се дозволи уривање на конструкцијата, по што екипите ќе можат да се приближат до објектот и да започнат со гаснење на пожарот“, велат од управата.