Во изминатите 24 часа руските сили нападнаа речиси на сите делови од фронтот, но украинските сили ги одбија сите напади, соопшти утрово Генералштабот на вооружените сили на Украина.

Руските сили интензивно нападнаа во правец на Купјанск, Бахмут, Авдејевка, Маринка, Шахтјорск и Запорожје, пренесува агенцијата Униан.

Се додава дека Русите се уште се обидуваат, со поддршка на авијацијата, да ја опколат Авдеевка, но дека украинските војници цврсто ја држат одбраната.

Украинските одбранбени сили ја продолжуваат офанзивната операција на правецот Мелитопол, како и јужно од Бахмут, соопшти Генералштабот на вооружените сили на Украина.