Новата градска власт на Подгорица затекна запрепастувачка ситуација, едно лице 10 години било вработено во служба на поранешниот градоначалник, редовно земало плата, но не доаѓало на работа.

Ова за подгоричките медиуми го откри заменик градоначалникот на Подгорица, Данило Шарановиќ.

„Никој не знае кој е тој човек, но знаат за тој проблем“, рече тој.

Потенцира дека филозофијата да се зема плата а истата да не се заработува е нешто што е проблем за голем број вработени во градската администрација.