Во Украина се уништени 29 од вкупно 31 руски беспилотни летала и една крстосувачка ракета, од кои повеќето биле насочени кон регионите Миколаев и Дњепропетровск, соопшти украинската војска.

Нападите траеле повеќе од три часа во текот на ноќта во бранови, според јужната команда на украинските сили, пренесува Ројтерс.

Делови од погодениот авион што падна во градот Днипро на југоисточниот дел на земјата предизвикаа пожар во приватна компанија, кој брзо беше изгаснат, изјави гувернерот на регионот Дњепропетровск, Сергеј Лисак.

Оштетувањето на производствените капацитети во индустриското претпријатие во Павлоград доведе до пожар кој исто така беше изгаснат, додаде Лисак во објава на Телеграм.

Над јужниот регион Миколаев, уништени се 16 дронови, објави гувернерот Виталиј Ким.