Најмалку 10 кубански мигранти загинаа, а 17 се повредени кога камион со нив имаше сообраќајна незгода во јужната мексиканска држава Чиапас, соопшти мексиканскиот институт за мигранти. Несреќата се случи на автопатот Пиџијапан-Тонала во Чиапас, долж брегот на Тихиот Океан, вообичаена рута за мигрантите кои преминуваат во Мексико од Гватемала на пат кон САД.

Возачот на камионот, кој не бил дизајниран да превезува толку луѓе, побегнал од местото на несреќата, соопшти Националниот институт за миграција (ИНМ).

„Според првичните извештаи, возачот се движел со голема брзина, изгубил контрола над возилото и се превртел“, додаваат од ИНМ.

Сликите споделени од властите покажуваат дека камион без регистарски таблички се превртел на страна во ендек покрај автопатот. 17 повредени лица се пренесени во болници и во моментов се на опсервација, соопшти ИНМ. Меѓу загинатите мигранти има и едно дете.

Сообраќајните несреќи во кои учествуваат мигранти не се невообичаени во Мексико, каде што многу луѓе ја минуваат земјата во САД со нелиценцирани и лошо одржувани автомобили. Во декември 2021 година, најмалку 54 лица, главно од Централна Америка, загинаа кога камионот со кој патуваа се преврте во Чиапас.