Во недела ќе започне нова рунда на регрутирање низ Русија, но новите регрути нема да бидат испратени да учествуваат во „специјална воена операција“ во Украина, соопшти руското Министерство за одбрана.

Во соопштението објавено од Министерството за одбрана, беше нагласено дека регрутите нема да бидат испратени во „новите региони на Руската Федерација (окупираниот Доњецк, Луганск, Херсон, Запорожје)… ниту да учествуваат во задачите на специјалните воени операции“.

„Сакаме да нагласиме дека Генералштабот нема планови за дополнителни мерки за мобилизација“, се наведува во соопштението.