Оние кои ја поддржаа агресијата врз Србија во 1999 година ја продолжуваат својата политика и го поддржуваат косовскиот премиер Албин Курти, чија желба е да предизвика војна, изјави српскиот министер за надворешни работи Ивица Дачиќ.

Тој за „ТВ Прва“ оцени дека меѓународната заедница практично дозволува конфликти на Косово и потсети дека тоа било случај и кога градоначалниците влегувале во општинските канцеларии на северот на Косово.

Дачиќ посочи дека српскиот народ има право да се брани и да ја изрази својата политичка волја и дека не сака конфликт со никого.

Тој смета дека КФОР требало да биде повикан пред инцидентот.