Автобусот што се запали кај превојот „Стража“ сообраќал на редовна линија Скопје-Охрид.

Директорот на Центарот за управување со кризи, Стојанче Ангелов информираше дека пријавата за запалениот автобус стигнала на бројот за итни повици 112, по што веднаш била известена полицијата.

Гостиварските пожарникари итно излегле на лице место и го изгаснале запалениот автобус.

Сообраќајот се одвива нормално.

„Макфакс“ претходно објави дека нема повредени лица, а возилото се движело кон Кичево.