Финските обвинители покренаа обвинение против четворица членови на екстремистичка група за планирање напади врз мигранти, инфраструктура и нивни наводни политички противници, соопштија властите.

Полицијата соопшти дека тие се осомничени и за 3D печатење оружје во подготовка за расно мотивиран напад во Финска.

Тројцата беа обвинети и за терористички злосторства за производство на огнено оружје и обука за нивно користење.

Финскиот јавен радиодифузен сервис ИЛЕ соопшти дека четворицата се поддржувачи на неонацистичката идеологија, особено на масовниот геноцид со цел да се поттикне колапсот на општеството, што го фаворизираат белите врховисти.

Прелиминарната истрага покажа дека активноста на обвинетите, сепак, не напредувала до степен на подготовка за конкретен терористички акт, се вели во соопштението на обвинителството.

Според финската полиција, четворицата се осомничени дека собирале информации за идеолошки противници и планирале вооружени напади врз нив, особено врз здруженија на поддржувачи на левичарската политика. Тие, исто така, планираа напади врз електричната мрежа и железницата.

Обвинетите, од кои еден е во полиција, се изјаснија за невини.