Американскиот милијардер го откри потегот токму на апликацијата X (порано позната како Twitter), и изјави дека видео и аудио повиците без телефонски број ќе бидат достапни за корисниците на IOS, Android, како и на Mac и PC уредите. Тој, исто така, откри дека „X е ефективен глобален телефонски именик“ и дека „тој сет на фактори е уникатен“. Соопштението доаѓа откако X ја ажурираше својата политика за приватност за да вклучи собирање биометриски податоци.

Неодамнешниот твит на Маск може да биде директна потврда дека оваа опција „доаѓа наскоро“, но да потсетиме дека веста веќе беше „вжештена“ некое време, а за неа зборуваше и извршната директорка Линда Џакарино, која за Cienbisi потврди дека Х е се подготвува да воведе можност за видео повици.

Со воведување на опцијата за аудио и видео повици, апликацијата X ќе се усогласи со Facebook, WhatsApp и Facetime кои веќе имаат такви можности. Во јавноста се добива впечаток дека овој потег е во согласност со напорите за стратешко проширување на компанијата, кои добија замав по ребрендирањето.

Постојани проблеми со Х
Контроверзниот Илон Маск официјално стана сопственик на Твитер во октомври 2022 година, купувајќи го за 44 милијарди долари. Во јули оваа година, тој го ребрендираше Твитер, нарекувајќи го Платформа X и го отфрли познатото лого – сината птица.

Често слушаме дека корисниците се жалат дека директните пораки не функционираат, а бидејќи тој е на чело на компанијата, укинал илјадници работни места. Дури е забележан и пад на рекламирањето од речиси 50 проценти.

Затоа, мора да бидеме трпеливи и да видиме кога и како ќе функционира новата опција за повикување кога ќе „стапи на сила“.