Рускиот министер за надворешни работи Сергеј Лавров и неговиот турски колега Хакан Фидан ќе разговараат во Москва „во блиска иднина“, објави денеска новинската агенција ТАСС, повикувајќи се на портпаролката на руското Министерство за надворешни работи, Марија Захарова.

Турција се обидува да ја убеди Русија да се врати на договорот што дозволува извоз на жито преку украинските пристаништа на Црното Море.

Кремљ најави дека Владимир Путин наскоро ќе разговара лично со турскиот претседател Реџеп Таип Ердоган, но датумот и местото се уште не се објавени.