Менаџерот на Арсенал, Микел Артета, отстранил седум фудбалери од тренингот на првиот тим. Станува збор за фудбалери на кои им е кажано дека за нив повеќе нема место во Арсенал. Клубот ќе се обиде да заработи од нивните продажби, за да може да го амортизира трошокот во актуелниот преоден рок, во кој се потрошени повеќе од 200 милиони евра.
Фоларин Балогун, Киеран Тирни, Алберт Самби Локонга, Нуно Таварес и Роб Холдинг се фудбалерите на кои Артета им кажал дека повеќе нема да тренираат со првиот тим, додека Николас Пепе и Седрик Соареш воопшто не тренираат со Арсенал, туку работат индивидуално.
🚨| Kieran Tierney, Albert Sambi Lokonga, Nuno Tavares, Folarin Balogun and Rob Holding did NOT train with the rest of the Arsenal squad today.
They all trained separately…
— Connor Humm (@TikiTakaConnor) August 24, 2023
Арсенал на сите начини ќе се обиде да ги продаде овие играчи до крајот на преодниот рок. Извесно е дека левиот бек Тирни ќе замине на позајмица во Реал Сосиедад, а напаѓачот Балогун ќе му биде продаден на Монако.
Не е исклучено Арсенал до крајот на преодниот рок да доведе уште едно засилување. Се очекува Артета да реагира поради повредата на Тимбер.
