Напаѓачот на Интер Мајами, Лионел Меси постигна гол од слободен удар утринава во осминафиналето на Лига купот против Далас (4:4, пенали 5:3).

Овој гол беше 64-ти за Аргентинецот од слободен удар. Тој се искачи на 6-то место по оваа статистичка категорија во историјата на фудбалот.

Напаѓачот на „Ал-Наср“ Кристијано Роналдо се наоѓа на 9. позиција на вечната листа. Португалецот на 18 март постигна гол од слободен удар на натпреварот со Абха во првенството на Саудиска Арабија.

Меси и Роналдо се единствените моментални играчи кои се рангирани во топ 10 за најмногу голови од слободен удар во историјата на фудбалот.

Топ десет изгледа вака:
1. Жунињо Пернамбукано – 76 голови
2. Пеле – 70
3. Виктор Легроталие – 66
4. Роналдињо – 66
5. Дејвид Бекам – 65
6. Лионел Меси – 64
7. Диего Марадона – 62
8. Зико – 62
9. Кристијано Роналдо, Роналд Куман и Рожерио Сени (голман) – 60
10. Марселињо Кариока – 59. зс/