На мостот кон Крим синоќа е воспоставен делумен сообраќај по една лента, соопшти рускиот вицепремиер Марат Хуснулин на својот канал на Телеграм.

– Моторниот транспорт на Кримскиот мост е обновен во обратна насока на најнадворешната десна лента, напиша Хуснулин.

Утрово повторно е запрена работата на траектот поради лошите временски услови, јавија руските медиуми повикувајќи се на Министерството за вонредни ситуации на Крим, под контрола на Москва.

Вчера наутро на мостот се случи експлозија за која Москва тврди дека бил напад со украински морски дронови. Мостот Керч ја поврзува Русија со полуостровот Крим, кој Москва го анектираше во 2014 година.