Советот на Општина Кавадарци на денешната седница одобри исплата на финансиски средства за кавадарчани кои претрпеа штети од невремето на први и трети јуни. Целта, како што беше кажано, е ублажување на последиците од елементарна непогода.

– Вкупната сума за оваа намена од буџетот на општината изнесува 120 илјади денари. Беа поднесени 40 барања за обесштетување. Штетите беа проценети со увид на лице место од страна на комисија. Комисиски се констатира дека 13 барања се неосновани, пишува во извештајот за штетите од невремето.

На 13 од пријавените им се доделува по шест илјади, а на 14 по три илјади денари.