По СВР Штип, ОВР Струга, ОВР Кавадарци, СВР Тетово, Камп за обука Лазарополе, како и Центарот за обука во Идризово, Отворениот кабинет на министерот Оливер Спасовски, проект на МВР кој со неделна динамика започна со реализација на почетокот на овој месец, на 20 јули, во четврток, ќе биде позициониран во СВР Битола.

Граѓаните, преку претходно закажан термин, можат да дојдат во просториите на СВР Битола да ги презентираат своите идеи за подобрување на безбедноста во заедницата, да упатат прашање до министерот, да го претстават својот предлог за подобрување на работењето на полицијата, да бидат дел од процесот на креирање политики во врска со безбедноста.

– Почитувани граѓани. Ве очекуваме во текот на оваа недела, на телефонскиот број 072 33 31 85 или на електронската адреса [email protected], да си закажете термин за средба со министерот Спасовски, а неговиот тим ќе ве пречека и ќе ви овозможи и вашето мислење да биде земено предвид. Во рамки на утврдениот концепт „МВР за ГРАЃАНИТЕ“, преку Отворениот Кабинет да покажеме уште еднаш дека полицијата е во служба на граѓаните, а мислењето на секој граѓанин има посебна вредност, се наведува во соопштениоето од МВР.