Деновиве од печат излезе романот „Записите на црвот Смолински“ од младиот косовски автор Азем Делиу во издание на Перун Артис од Битола, а преводот од албански јазик е на Јордана Шемко Георгиевска.

Книгата е за познатиот полски писател Пјотр Смолински кој го посетува Косово по војната, во неа е прикажуван судирот на идентитетите и менталитетот. Влијанието на религијата, национализмот во секојдневниот живот.

Романот е преведен на неколку светски јазици и беше во потесниот избор за наградата за литература на Европската унија.

Изданието е помогнато од Регионалната мрежа за културна разноликост READ.

Промоцијата е планирана за 11 јули во Младинскиот културен центар, Скопје.