Од верските календари
8 јули 2023
Според календарот на МПЦ (Јулијанскиот календар) денеска е 25 јуни.
Преподобната маченичка Февронија
Ќерка на сенаторот Просфор од Рим. За да избегне брак со смртен човек, си Го избра себеси Христа за вереник и се замонаши на Исток во земјата Асирска, во манастир каде што тетка ? Вриена беше игуманија. Лисимах, син на еден големец, имаше желба да се ожени со Февронија, но затоа што Диоклецијан наѕираше во него потаен христијанин, го испрати на Исток со чичко му Селин да заробува и убива христијани. Селин беше суров како ѕвер, сегде немилосрдно ги убивашe христијаните. Лисимах пак, каде што можеше ги штедеше христијаните и ги засолнуваше пред својот ѕвероподобен чичко. Кога направи пустош кај христијаните во Палмира, Селин дојде во градот Сивапол, во чијашто близина имаше девствен манастир со педесет испоснички, меѓу кои и Февронија. Иако имаше само дваесет години, во манастирот и во градот ја почитуваа Февронија заради големата кротост, мудрост и воздржливост. Во тој манастир го држеа правилото на блажената Платонида, поранешната игуманија на манастирот – секој петок го минуваа во молитва и во читање од светите книги, тој ден ништо друго не работеа. Од свештените книги, како што одреди Вриена, на сестрите им читаше Февронија, и тоа стоејќи скриена зад завесите за никој да не се замајува и плени со нејзиното прекрасно лице. Кога чу за Февронија, Селин нареди да му ја доведат. Бидејќи Светата девица не сакаше да се одрече од Христа и да се согласи на брак со смртен човек, нареди да ја шибаат, па да ѝ ги избијат забите, потоа ? ги отсекоа рацете, па градите, па нозете и најпосле ѝ ја отсекоа главата. Истиот тој ден мачителот го снајде ужасна казна: во него влезе демон и го обзеде некој смртен ужас, во тој ужас тој удри со главата во мермерен столб и падна мртов. Лисимах нареди и телото на Февронија го собраа и го однесоа во манастирот, каде што чесно го погребаа, а тој и голем број од војниците се крстија. Од моштите на Февронија стануваа многубројни исцеленија, а и таа се јавуваше на денот на нејзиниот празник и стоеше меѓу сестрите на своето вообичаено место додека сите сестри ја гледаа со страв и со радост. Света Февронија пострада чесно и се пресели во вечното блаженство во 310 година. Во 363 година нејзините мошти беа пренесени во Цариград.
ОД КАТОЛИЧКИОТ КАЛЕНДАР
Денеска е 8 јули.
Свети Акила и Прискила
Денешни покровители се Акила (Акила) и Прискила (Прискила, Приска), брачна двојка, христијански мисионери и маченици од 1 век, пријатели и соработници на свети Павле. Павле останал со нив во Коринт, тие го придружувале на неговите патувања и неколкупати ги поздравува во своите посланија. Тие биле Евреи кои станале христијани, а во Новиот завет се спомнати на повеќе места (седум пати). Св. Лука во Дела на апостолите, опишувајќи го второто мисионерско патување на свети Павле, пишува: „Потоа Павле ја напушти Атина и дојде во Коринт. малку пред тоа со жена си Прискила, зашто Клавдиј им даде наредба сите Евреи да го напуштат Рим. (18,2-3). Завршувајќи го Посланието до Римјаните и испраќајќи лични поздрави, Павле пишува: „Поздравете ги моите соработници во Христа Исуса, Приска и Акила, кои го ставија својот врат на линијата за мојот живот и на кои им благодарам не само себеси туку и на сите црквите од паганско потекло.Поздравете ја црквата што се состанува во нивниот дом“ (16,3-4). И Павле го завршува Второто послание до Тимотеј со поздрав и благослов, а првите на списокот се: „Поздравете ја Приска со Акила!“ (4,19). Кога Павле ја завршил својата мисија во Коринт и сакал да се врати во Сирија, ги зел Акила и Прискила како придружници на својот пат. Го следеа само до Ефес, каде што останаа. Таму покрај занаетчиството и трговијата се занимавале и со апостолство. Тие им ја понудија својата куќа на христијаните за место за богослужба. Свети Павле останал таму долго време за време на неговото трето мисионерско патување. Пишувајќи околу 55 година во своето Прво послание до Коринтјаните, Павле вели: „Акила и Прискила многу ве поздравуваат заедно со црквата што се состанува во нивната куќа“. (16,19). Во своите поздрави, апостолот постојано им изразува голема благодарност на своите големи добродетели Акила и Прискила, кои му го спасиле животот во некоја сериозна опасност, разголувајќи се. Ништо не може со сигурност да се утврди за времето и местото на нивната смрт (најверојатно во Рим). Историјата на Црквата ги спомнува како „апостоли и маченици“, а римската маченичка го спомнува 8 јули како нивен празник.
###
