На Тикток се шири нов тренд во кој корисниците на социјалните мрежи тврдат дека со истурање пиво на нивната кожа се добива најдобриот тен досега.

Сепак, експертите предупредија на овој сомнителен метод за британски The Sun, нарекувајќи го многу опасен. Како што објаснуваат, пивото не изложува на ризик од топлотен удар и рак на кожата.
„Ова е уште еден тренд со сериозни последици. Оштетувањето од сонцето е неповратно и е причина за до 90 проценти од најчестите видови на рак во Обединетото Кралство. Луѓето се изложени на сериозен ризик да развијат сите видови на рак на кожата, а изгорениците на кожата се тесно поврзани со развојот на меланом“, вели Кетрин Клифорд, ко-основач на добротворната организација за подигање на свеста за ракот на кожата. Со неа се согласуваат и други експерти.

„Нанесувањето пиво на кожата и потоа изложувањето на сонце без претходна заштита во голема мера го зголемува ризикот од изгореници, топлотен удар и предвремено стареење. Имено, без заштитен фактор, потребни се само 10 минути на сонце за да изгори. Со текот на времето, ова претставува ризик од рак на кожата, а во 70 проценти од случаите предизвикува оштетување на сонцето“, додава д-р Стефано Пиетрини.