– Вооружен напаѓач  во хрватскиот град Сисак вечерва пукал од калашњиков врз група луѓе, при што едно лице е убиено, а неколкумина се ранети. Напаѓачот е во бегство.

Хрватската полиција соопшти дека пукањето се случило во близина на рафинеријата во Сисак. Засега нема информации зошто напаѓачот пукал врз луѓето.

Полицијата е на терен, а тој дел од градот е блокиран. Во тек е потера по напаѓачот.

Медиумите во Хрватска известуваат дека во индустрискиот дел на Сисак се испратени и пожарникари бидејќи имало пожари во неколку станбени објекти.