Предметот во кој се оспоруваат законските измени и дополнување на Упатството за водење на матичните книги ќе биде ставен на дневен ред на седницата на Уставен суд закажана за 5 јули 2023 година.

Како што информираат од Уставен суд, за предметот што тие го оформија по сопствена иницијатива поради сомнеж за неуставност, иницијатива поднела и политичка партија „Левица”.

– Ве информираме дека во меѓувреме за истото Упатство поднесена е инцијатива од страна на политичка партија „Левица”. Уставниот суд ги проверува наводите, соопштуваат оттаму.

На 26-та седница во 9:30 часот се предвидени шест иницијативи за оценување на уставност и законитост, иницијатива за оценување на уставност на програма и статут на здружение на граѓани и барање за заштита на слободи и права.