Владата во Прага објави синоќа дека им забранува на сите спортисти кои ја претставуваат Русија да настапуваат на натпреварувања на територијата на Чешка.

Забраната, како што е соопштено, се однесува на „учество во поединечна и екипна конкуренција на спортисти и екипи кои ја претставуваат Руската Федерација на спортските натпреварувања и играи организирани на чешко тло“.

Во исто време, според одлуката која е донесена на барање на чешките спортски федерации, спортистите и екипите кои ја претставуваат Чешка не смеат да учествуваат на натпреварувања што се одржуваат во Русија.

Забраната се однесува на сите спортови и спортисти кои се натпреваруваат под руско и чешко знаме.

Чешката Влада не прецизираше дали оваа одлука се однесува и на спортисти од Белорусија.