Во собраниската Комисија за прашања на изборите и именувањата денеска продолжи расправата за избор на Кети Петкова, адвокат од Гевгелија, која претходно работела во Специјалното јавно обвинителство, за нов член на Советот на јавни обвинители.

Опозициската ВМРО-ДПМНЕ не дава своја поддршка за изборот на нови членови на Советот на јавни обвинители, а пратениците од оваа партија најавија долги дебати и говори исто како претходно за предлозите за уставни судии.

Кандидати за членови на Советот на јавните обвинители, покрај Кети Петкова, се и Светлана Жупаноска, судски соработник во Основниот граѓански суд Скопје и Митко Митревски, генерален секретар на Јавното обвинителство.

Од тројцата пријавени кандидати, членовите на собраниската Комисија за прашања на изборите и именувањата треба да изберат двајца за пополнување на испразнетите места во Советот, заради пензионирање на двајца негови членови.