-Ставот на ВМРО-ДПМНЕ е конзистентен и остануваме на тој став кој што е потврден од сите партиски тела и органи, а тоа е дека уставни измени под вакви околности ВМРО-ДПМНЕ нема да прифати, истакна Тимчо Муцунски, потпретседател на ВМРО-ДПМНЕ во гостување во утринска емисија на радио „Лидер“.
Муцунски додаде дека тоа што мисли дека се случи и еден заклучок кој што може примарно да се извлече по завршувањето на лидерската средба е дека се разби тој мит кој што парламентарното мнозинство односно ДУИ и СДСМ го градат веќе повеќе од шест месеци, една година, а тоа е дека има пратеници во ВМРО-ДПМНЕ кои што ќе ги гласаат уставните измени под овие околности. Тој мит е разбиен и тоа што се потврдува е дека Владата во овој момент нема 2/3 мнозинство иако долго време говореше дека има 2/3 мнозинство за уставни измени.
-Имаме Влада која што пред една година сите се сеќаваме и создаде на Македонија проблем. Проблемот меѓу другото е создаден од тоа што имаме сосед Република Бугарија која што е непринципиелна и агресивна спрема Македонија. И земја која што работи во попречување на европската иднина и европскиот пат на државата. Владата прифати еден предлог кој што во својата содржина е неприфатлив за нас. И ние велиме прифатливи се сите типови на предлози, а кои што можат да значат сигурност во македонскиот евроинтегративен пат примарно воден низ призмата на европските вредности. Кога се во прашање уставните измени, ако се сеќавате ВМРО-ДПМНЕ пред неколку месеци даде потврда дека ние како политички субјект сме подготвени на пример да го поддржиме хрватскиот модел на уставни измени. Ние исто така сега, претседателот Мицкоски потврди да може да разговараме за одложена примена, а таа одложена примена да важи во моментов Македонија кога ќе стане земја членка на ЕУ. Што е битно? Битна е извесноста, битно е да знаеме дека нема да имаме никоја понатамошна блокада од страна на Република Бугарија врз основа на субјективни билатерални критериуми, рече потпретседателот на ВМРО-ДПМНЕ.
Тој посочи дека по никоја цена не може да се разбере постојаната негација на македонскиот јазик, идентитет и сите културни обележја од страна на Бугарија.
Муцунски: СДСМ сака да создаде перцепција дека ВМРО-ДПМНЕ прифатило Уставни измени, но таквите лаги не им поминуваат кај граѓаните
Тимчо Муцунски, потпретседател на ВМРО-ДПМНЕ во своето гостување во радио Лидер зборуваше за функционирањето на СДСМ односно дека тие веќе 5-6 години функционираат преку пласирање лажни вести преку медиуми кои што тие ги имаат. Имено тој додаде дека со тоа што СДСМ лиферува лажни вести мислат дека јавноста ќе поверува на нивните лаги.
-Тоа е еден тренд на функционирање на СДСМ веќе 5-6 години наназад односно пласирање на лажни тези преку еден медиумски апаратус кој што тие го имаат. Вчера гледав прес конференција на портпаролката на партијата која што не соодветствува со реалноста. Они сакаат да создадат перцепција дека ВМРО-ДПМНЕ прифатило нешто што не е прифатено, и сега мислат дека бидејќи лагата ќе ја лиферуваат два дена на крај јавноста ќе поверува, потенцираше Муцунски.
Имено Муцунски во врска со уставни измени укажа дека во работните групи кои се формирани за уставните измени нема еден професор во Уставно право.
-И затоа велам дека доколку СДСМ мисли дека ВМРО-ДПМНЕ прифатило под овие околности Уставни измени, еве ги подготвиле Уставните амандмани, во една таа скриена работна група каде што немаше еден професор по Уставно право, ќе потсетам само. Не сакам да ги потценам, најверојатно се компетентни во своите области, но таму немаше еден професор по Уставно право, потенцираше Муцунски.
