Од верските календари 

4 јуни 2023

Според календарот на МПЦ (Јулијанскиот календар) денеска е 22 мај.

Слегувањето на Светиот Дух – Педесетница

Новозаветната Педесетница е денот на славното исполнување на ветувањето за Христовото испраќање на Светиот Дух врз апостолите. Ова е крајно радосен, извонреден и утешителен настан. Куќата во која тие пребиваат еднодушни одеднаш е преисполнета со шум од небото, сличен на силен ветар, а разделени јазици, како огнени, се спуштаат врз секого од учениците. Од ова тие се исполнуваат со Дух Свети и почнуваат да го благовестат Евангелието на разни јазици, онака како што Светиот Дух им даваше да изговараат. За разлика од мистиката на Успението на Пресвета Богородица, на пример, при доаѓањето на славата на Господ и другите одондестрани и чудесни појави кое им се открива како видение на некои од присутните, настаните на Педесетница стануваат очигледни за сите, не само за достојните. За да ги видат, на ерусалимјаните не им беше неопходен духовниот вид, иако на виденото не дадоа сите еднаков духовен одговор. Значи, зборувањето на сите јазици на кои луѓето од Ерусалим зборуваа (бидејќи во него живееја дојденци од разни краеви) едни го гледаа како прекрасно чудо, други како знак на пијанство. Петар вдахновено го објаснува настанот и ги упатува на пророштвата за овој настан до Избраниот народ дојдени преку Пророкот Јоил. Благовеста на Петар допре до срцата на многубројните луѓе што го чуја и тие го примија покајанието заради името на Исуса Христа. Во тој ден се крстија и присоединија кон Црквата Христова околу три илјади души. Оттогаш наваму Педесетница се смета за роденеден на црквата Божја. За првпат по падот човекот ипостасно Го прима Светиот Дух и ја добива полната и реална можност да живее според благодатта.

ОД КАТОЛИЧКИОТ КАЛЕНДАР

Денеска е 4 јуни.

Свето Тројство

Денеска го празнуваме празникот Света Троица, еден од најзначајните во црковната година. Бог по својата природа е еден, но во него има три лица (Бог, Син, Светиот Дух). Оваа религиозна догма, една од основните вистини на христијанството, била прогласена во 325 година на соборот во Никеја. Божествената суштина постои во три лица, и тоа е затоа што второто лице (Синот) е родено од Отецот, а третото, Светиот, произлегува од Отецот и Синот. Светата Троица најчесто се симболизира во форма на старец (отец), млад човек (син) и гулаб (Светиот дух). Бог, како Света Троица, се откри за време на крштевањето на Исус во реката Јордан: „Кога се крсти сиот народ, се крсти и Исус. И додека се молеше, небото се отвори, Светиот Дух слезе на него телесно. форма, како гулаб, и гласот Тој доаѓа од небото: „Ти си мој Син, возљубен! Целото мое задоволство е во тебе!“ (Лука 3:21-22). Мнозинството христијански цркви веруваат во Троица како дефиниција за христијанството: христијанин е оној кој верува во Светата Троица и кој се крсти во името на Отецот и Синот и Светиот Дух.