Генералниот секретар на Обединетите нации Антонио Гутереш ја изрази својата загриженост поради повикот на командантот на суданската армија Абдел Фатах ал Бурхан да се разреши пратеникот на ОН Волкер Пертес.

Портпаролот на ОН Стефан Дужарик во изјавата рече дека Гутереш е „шокиран од писмото што го добил од претседателот на Суверениот совет на Судан“ во кое бара Пертес да биде сменет од функцијата.

„Генералниот секретар е горд на работата што ја извршува Волкер Пертес и ја потврдува неговата целосна доверба во специјалниот претставник на ОН“, додаде Дужарек.

Ал Бурхан, шефот на владејачкиот Суверен совет на Судан, во писмо го изрази своето незадоволство од работата на претставникот на ОН.

Началникот на армијата го обвини Пертес за ширење дезинформации за постигнување консензус за Суданскиот рамковен договор.

Во последниве месеци, се разгореа несогласувањата меѓу двете страни се околу интеграцијата на паравоена група Сили за брза поддршка (РСФ) во вооружените сили – клучен услов за транзицискиот договор на Судан со политичките групи.

По првите разговори, Саудиска Арабија, армијата и РСФ потпишаа декларација за посветеност да ги заштитат цивилите во Судан на 11 мај. И покрај договорот, судирите продолжија меѓу двата воени ривали, особено во главниот град Картум.

Судан е без функционална влада од октомври 2021 година, кога војската ја собори привремената влада на премиерот Абдула Хамдок и прогласи вонредна состојба во потег што политичките сили го осудија како државен удар.

Според локалните медиуми, од избивањето на конфликтот на 15 април, загинале најмалку 863 цивили, а 3.531 се ранети.