Кина и Украина се согласија дека треба заедно да работат и да продолжат да се однесуваат со заемно почитување и да ја продолжат својата заемно корисна соработка, се наведува во соопштението на кинеското Министерство за надворешни работи.

Соопштението уследи откако специјалниот претставник на Кина за евроазиски прашања Ли Хуи се сретна со украинскиот претседател Володимир Зеленски во Киев.

Кина отсекогаш играла конструктивна улога во ублажувањето на хуманитарната ситуација во Украина на свој начин и ќе продолжи да и помага на Украина во рамките на нејзините можности, се посочува во соопштението на кинеското МНР.