Белгиската влада денеска објави дека ќе одвои околу 100 милиони евра за поддршка на Украина и нејзиното население, а тоа е помош од даночните приходи собрани на руските средства замрзнати во Белгија. Половина од парите ќе бидат помош во вид на оклопни возила, оружје, муниција, а првите испораки се планирани „многу наскоро“, се вели во соопштение.

Другата половина е наменета за цивилното население, за хуманитарна помош обезбедена во поголемите градови во координација со ОН и за „зајакнување“ на белгиското дипломатско присуство во регионот.

Белгија ќе отвори две дипломатски претставништва во Кишињев, Молдавија и Ереван, главниот град на Ерменија.

Од почетокот на руската инвазија во февруари 2022 година, Белгија веќе и обезбеди на Украина околу 300 милиони евра воена и цивилна помош.