Обвинителот на Шведска, Ларс Хендвал денеска изјави дека е обвинет 50-годишен маж поради незаконско распространување на класифицирани информации за голем број одбранбени објекти во земјата.

Ова е грубо прекршување, бидејќи информациите се однесуваат на прашања од големо значење за одбраната на земјата. Секое откривање информации на странска сила може сериозно да ја оштети одбраната на скандинавската земја и да ја намали нејзината способност да се брани во случај на војна, истакна Хендвал.

Идентитетот на обвинетиот не е соопштен.