– Францускиот министер за внатрешни работи Жералд Дарманан во интервју за неделниот весник „Журнал ди диманш“ (ЖДД) најавува дека сака да отвори нови „3.000 работни места на зелена жандармерија“со цел „да се подобри работата на судската истрага“, особено во случаите на подметнување пожари предизвикани од пиромани, јави дописникот на МИА.

– Целта е во секоја жандармерска бригада да има жандарми обучени за напади врз екологијата. Тоа ќе биде револуција, уверува министерката за внатрешни работи.

Летово „во нашата земја имаше меѓу 80 и 120 пожари дневно“ и „до денес извршивме 26 апсења на осомничени подметнувачи на пожари“, подвлекува Жералд Дарманан. Со овие нови работни места, целта е „масовно да се зајакнат средствата на Централната канцеларија за борба против штетите на животната средина (Оклаесп)“, додава тој.

Оваа канцеларија, создадена во 2004 година и предводена од генерал на жандармеријата, беше особено активна во јули за да се истражи големиот пожар во Ландирас во Жиронд. Нејзините истражители имаат и задача да се борат против недозволената трговија со (лекови, отпад, заштитени видови итн.), но и против допингот во спортот, физичкото загадување, скандалите со храна или биотероризмот.

Со седиште во регионот на Париз, ефективите на Оклаесеп порасна со создавање на девет регионални филијали од 2020 година: Бордо, Гвајана, Лион, Марсеј, Рен, Ла Реунион, Папете и Валенсиен.