Рускиот претседател Владимир Путин пристигна на самитот на АПЕК во Шенжен, Кина, придружуван од офицер кој го покажа „нуклеарното куферче“ пред камерите на руските државни медиуми. Истовремено, во Виетнам се појавија два руски стратешки бомбардери способни да носат нуклеарно оружје. Овие настани се случуваат во пресрет на денешната средба меѓу Путин, американскиот претседател Доналд Трамп и кинескиот претседател Ши Џинпинг.
Ова е прва заедничка средба на лидерите на овие три нуклеарни сили. Потезите на Русија привлекоа внимание, бидејќи Москва во последно време ги демонстрира своите воени капацитети далеку надвор од границите на Украина – каде што веќе речиси пет години води војна.
Руски офицер ја покажа нуклеарната актовка
На снимките објавени од руските државни медиуми се гледа припадник од придружбата на Путин како носи црна актовка. Кога новинар го праша дали станува збор за нуклеарна актовка, офицерот потврди дека е така.
A Russian journalist filmed members of President Vladimir Putin’s delegation carrying Russia’s nuclear briefcase as Putin arrived in Shenzhen, China, on Wednesday for the APEC summit, where he is expected to meet with U.S. President Donald Trump and Chinese President Xi Jinping.
Asked directly whether he was carrying the briefcase, a serviceman confirmed he was.
Known as the Cheget, the briefcase allows Putin to maintain unbroken command and control over Russia’s nuclear arsenal at all times, regardless of his physical location.
— CBS News (@CBSNews) November 18, 2026
Актовката, позната како „Чегет“, е дел од систем што му овозможува на рускиот претседател да одржува врска со воената команда и да учествува во носењето одлуки поврзани со употребата на нуклеарно оружје.
Иако нуклеарната актовка вообичаено го придружува рускиот претседател на неговите патувања, таа ретко се прикажува јавно пред камерите.
Снимката беше објавена непосредно пред средбата на која се очекува да се разговара за нуклеарното вооружување и односите меѓу трите големи сили.
🔻 Satellite images of 🇻🇳 Da Nang Airport as of November 17, 03:16 UTC
Today, two Tu-95MS (RF-94202, RF-94188) and two Il-78M from Ukrainka Air Base were redeployed to Da Nang Airport, Vietnam.
The aircraft flew past Japan and Taiwan en route to Vietnam. Russian Il-78 last visited Vietnam in 2014, when they were deployed to Cam Ranh Airport.
— AviVector (@avivector) November 17, 2026
Руски бомбардери се појавија во Виетнам
Во последните денови, Русија исто така ги засили своите воени активности во Источна Азија. Сателитски снимки покажаа два руски стратешки бомбардери од типот „Ту-95“ – познати според ознаката на НАТО како „Bear“ – на аеродромот Да Нанг во Виетнам.
Заедно со нив имаше уште два руски воени транспортни авиони „Ил-76“.