Работнички во „Јане Сандански“ го победи МЗТ


872600614_1735492928580235_8713565242048616675_n.webp
Facebook
Twitter
LinkedIn
Telegram
WhatsApp
OK

Кошаркарите на Работнички, по речиси три години успеаја да го победата вечниот ривал МЗТ. Вечерва во „Јане Сандански“, во дербито на седмото коло, Работнички го победи МЗТ со 74:60.


Третата четвртина беше клучна за конечниот победник. Во неа Работнички го декласира МЗТ со 21:6 и во последниот период влезе со плус од 12 поени.

Претходно, Работнички подобро го отвори натпреварот, но МЗТ возврати со серија 18:1 и дојде до двоцифрена предност (29:19).

Во последниот период, Работнички рутински ја задржа стечената предност.

Работнички до седмата победа во исто толку натпревари го предводеа Ефремовски со 17 поени, Елингсворт имаше 14 поени и 10 скока, а Рикиќ 12 поени и девет скока.

Подобри од останатите кај МЗТ беа Мекиќ со 14 поени и 12 скокови, односно Војдан Стојановски со 10 поени.

МЗТ се наоѓа на второто место на табелата со пет победи и два порази.

Foto/ facebook.com/KK.Rabotnicki.Skopje

Facebook
Twitter
LinkedIn
Telegram
WhatsApp
OK