Педесет и тригодишен жител на тетовското село Желино е приведен откако, според полицијата, со автомобил натоварен со огревни дрва не застанал на знак на шумската полиција, туку се обидел да прегази еден од полицајците и избегал.

Од МВР информираат дека инцидентот се случил на 13 ноември околу 13:40 часот, во атарот на селото Желино. Осомничениот управувал автомобил „форд“ без регистарски таблички, натоварен со огревни дрва.

Кога шумските полицајци му дале знак да запре, тој ја зголемил брзината и со возилото се обидел да удри еден од нив, по што побегнал.

Подоцна, во 21 часот, полициски службеници од Полициското одделение Групчин го лишиле од слобода 53-годишникот.

По целосно расчистување и документирање на случајот, против него ќе биде поднесена соодветна пријава.