Адријана Лима се врати на модната писта за ревијата на „Victoria’s Secret“, појавувајќи се во креација од неонско-зелена тантела, надополнета со впечатлива инсталација од розови цветови. 45-годишната бразилска супермодел насмеано чекореше по пистата на настанот што се одржа во Лос Анџелес во неделата, на 18 октомври, пренесува магазинот Hello!.
View this post on Instagram
Нејзината долга, кафеава коса беше стилизирана во бранови и разделена на патец на средината, додека шминката ги истакнуваше очите, со розови нијанси на образите и усните.
View this post on Instagram
Впечатлива комбинација од тантела и цвеќиња
Лима носеше боди од тантела со цветни мотиви, длабоко деколте и проѕирен дел по средината. Дизајнот вклучуваше отвори на половината поврзани со тенки зелени ленти, како и брановидни рабови долж високиот крој на долниот дел. Изгледот го заокружи со зелени сандали со отворени прсти и светкави нараквици на двата зглоба.
View this post on Instagram
Зад неа, структура составена од бледо-розови цветови на тенки гранки формираше големи цветни крилја околу нејзините рамења и глава. Наспроти розовото осветлување во позадина, глетката беше особено привлечна за окото.
View this post on Instagram
Долгогодишна соработка со „Victoria’s Secret“
Овогодишната ревија се одржа во студијата на „Sony“ во Калвер Сити. Заедно со Лима, на пистата се појавија и Џиџи Хадид, Кендис Сванепул, Анок Јаи, Алекс Консани и Прешес Ли. Во музичкиот дел од програмата настапија Тејт Мекре, Меган Ти Сталион, Меган Морони и групата „Katseye“.
View this post on Instagram
За Лима, ова појавување претставува продолжување на нејзината соработка со „Victoria’s Secret“, која трае речиси три децении. Таа започна да соработува со брендот во 1998 година, а една година подоцна дебитираше на модната писта. Таа се врати на пистата во 2024 година, а 2025 година го одбележа нејзиното 20-то појавување на модната ревија на „Victoria’s Secret“.
