Силен земјотрес со јачина од 7,7 степени според Рихтеровата скала денеска го погоди подрачјето во близина на јужниот брег на Панама, пренесува Ројтерс, повикувајќи се на Американскиот геолошки институт (USGS). Земјотресот се случи на длабочина од десет километри.
Земјотресот предизвика опасност од цунами долж делови од пацифичкиот брег на Централна и Јужна Америка. USGS првично ја процени јачината на 8,0 степени, но подоцна ја коригираше на 7,7. Засега нема извештаи за материјална штета во Панама.
Потресот ги заниша зградите во главниот град, Панама Сити, принудувајќи ги луѓето да ги напуштат објектите и да излезат на улиците. Вознемирените жители се собраа на отворено, очекувајќи информации за можните последици од земјотресот.
🚨 M8.0 earthquake, 14 km southwest of Pitaloza Arriba, Los Santos, Panama.
At 33 km depth, this is a shallow event and was likely felt across a wide area. Only 1 earthquake has been recorded in this region over the past 30 days, and this is the largest.
If you felt shaking, check on others and follow official local guidance. #earthquake #GeoShake #Panama
— GeoShake | Community Seismic Network (@geoshake_ai) October 9, 2026
„Силно го почувствувавме. Предметите во кујната паѓаа, но ние сме добро, иако сме многу исплашени. Сите се надвор и се преплашени“, изјави за АП 60-годишниот Розендо Домингез од провинцијата Херера, каде што беше епицентарот на земјотресот.
