Сведок на катастрофалните поплави и лизгања на земјиштето што ја погодија границата на Непал со Тибет го опиша моментот кога огромна маса кал и камења се спуштила по долината. Тој вели дека прво слушнал гласен татнеж, а потоа видел порој што носел дрвја, големи камења и делови од куќи.

Катастрофата ја погодила и областа на граничниот премин Ѓиронг на тибетската страна. Локалните власти во кинескиот град Шигаце објавија дека таму имало смртни случаи и исчезнати лица, како и дека патните врски, комуникациите и снабдувањето со електрична енергија биле прекинати.

„Слушнав како планината да се распаѓа“
Турист кој бил на непалската страна од границата во времето на катастрофата, за кинескиот весник „Ред Стар Њуз“ изјавил дека претходно видел помали лизгања на земјиштето околу себе бидејќи било дождовната сезона во Непал.

Но, во среда наутро, ситуацијата нагло се променила.

„Одеднаш, слушнав татнеж, како планината да се распаѓа“, рекол тој.

Потоа огромна количина кал се појавила во долината и се движела по речното корито со голема брзина. Во поројот, рече тој, имало дрвја, огромни камења и парчиња лим од куќите што биле однесени од водата. Објектите во близина на непалската царинска канцеларија исто така биле уништени.

This is insane footage of the massive mudslide at the Nepal-China border earlier today: the mudslide, originating from Nepal, seems to have basically completely obliterated the border port in Gyirong (吉隆), Shigatse City, Tibet/Xizang.

We’re likely looking at one of the worst…

— Arnaud Bertrand (@RnaudBertrand) August 26, 2026

Поројот дошол на околу еден метар од него
Туристот бил на повисоко место, но рекол дека висинската разлика помеѓу него и поројот во еден момент била само околу еден метар. Плашејќи се дека водата може да го однесе патот, тој избегал подалеку од реката.

„Бев преплашен. Не можев да замислам да доживеам толку големо свлечиште. Целото тело ми се тресеше“, рече тој.

Додаде дека е на релативно безбедно место, но се плаши од нови проблеми ако повторно паднат обилни дождови.

Патиштата се уништени, нема електрична енергија или комуникации
Друг турист се упатил кон граничниот премин Ѓиронг, но бил запрен околу четири километри пред границата бидејќи патот бил уништен.

Тој рече дека бројни полициски и амбулантни возила поминувале покрај погодената област. Некои луѓе се обиделе да продолжат пеш, но на крајот се откажале поради количината на кал и надојдената вода.

Сопственик на продавница на граничниот премин рече дека не знае што се случило со неговиот објект бидејќи областа е отсечена.

„Таму долу нема струја ниту интернет. Не можев да контактирам со никого по телефон од утрото“, рече тој.

Стотици луѓе се водат како исчезнати
Кинеските власти започнаа голема спасувачка операција и испратија неколку служби во погодената област. Во исто време, повредените се лекуваат, а населението се евакуира.

Во Непал се пронајдени најмалку 177 тела, додека бројот на исчезнати се искачи на 826. Уште 558 лица се водат како исчезнати на тибетската страна од границата, вклучувајќи 260 странски државјани. Вкупно, речиси 1.500 лица се водат како исчезнати во Непал и Кина.