Најмалку 20 лица загинаа во силниот земјотрес со магнитуда од 7,7 степени што рано утрово го погоди индонезискиот остров Флорес. По потресот било регистрирано и цунами, со највисок бран од 94 сантиметри, но предупредувањето за цунами во меѓувреме е укинато.
Спасувачките екипи продолжуваат со пребарување на урнатините, бидејќи постои сомнеж дека има луѓе заробени под урнатите објекти. Според досегашните информации, шест лица се повредени, а две лица останале заробени под урнатините.
Најтешко погодено е подрачјето Нагекео, каде што жителите веднаш по земјотресот се упатиле кон повисоките места откако забележале дека морето се повлекува. Само во ова подрачје биле евакуирани околу 2.000 луѓе.
Цунамито било регистрирано на десет локации. Највисокиот бран, од 94 сантиметри, бил измерен во Мауролеу, во близина на Енде. Во Булукумба бил регистриран бран од 54 сантиметри, во пристаништето Кевапанте 38 сантиметри, а во Лабуан Баџо 36 сантиметри.
Иако предупредувањето за цунами е укинато откако престанало значителното покачување на нивото на морето, властите ги повикаа жителите да останат внимателни поради можните последователни потреси.
🚨 #ÚLTIMAHORA!! 🚨
Un potente terremoto de magnitud 7,7 fue registrado este viernes 14 de agosto en la región de Flores, Indonesia, de acuerdo con información atribuida al Servicio Geológico Colombiano (SGC). El movimiento ocurrió en horas de la tarde, hora local, y tuvo una… pic.twitter.com/SZ1k3wBEfj
— Cristian Crespo F. 🇨🇺 (@cristiancrespoj) August 15, 2026
