Украински дронови рано утрово погодија две големи руски рафинерии за нафта – Сизрањ во Самарската област и Илски во Краснодарскиот крај. Во двата објекта избувнале пожари.
Во рафинеријата во Сизрањ избувнал пожар од големи размери, откако локалните жители пријавиле десетина експлозии меѓу 3:50 и 4:30 часот. Над постројката се издигнал густ црн чад.
❗️Large-scale fire at the oil refinery in 🇷🇺Syzran. At least three hits on the plant. pic.twitter.com/HtGjPVpjpg
— 🪖MilitaryNewsUA🇺🇦 (@front_ukrainian) August 8, 2026
Гувернерот на Самарската област, Вјачеслав Федоришчев, потврдил напад врз „едно од индустриските претпријатија“, без да соопшти детали за штетата. Според независната ОСИНТ-анализа на каналот „Астра“, погодена е рафинеријата во Сизрањ, која е во сопственост на „Роснефт“ и има годишен капацитет од 8,9 милиони тони нафта.
Истовремено била нападната и рафинеријата Илски во Краснодарскиот крај. Според регионалниот оперативен штаб, пожарот го предизвикале остатоци од соборени дронови. Повредени се пет лица, на кои им била укажана медицинска помош.
❗️Two Rosneft refineries were hit overnight. Ukrainian drones struck Syzran in Samara Oblast, where locals reported at least three impacts on the plant’s AVT unit and oil tanks, with a large fire continuing afterward. In Krasnodar Krai, authorities said falling drone debris… pic.twitter.com/SQBCND4U64
— NOELREPORTS 🇪🇺 🇺🇦 (@NOELreports) August 8, 2026
Руското Министерство за одбрана тврди дека во текот на ноќта биле пресретнати вкупно 397 беспилотни летала над повеќе руски региони, окупираниот Крим и Азовското Море.
