Актерот Расел Кроу привлече големо внимание со фотографиите од теретана на кои покажа дека е повторно во завидна форма, исто како кога глумеше во филмот „Гладијатор“.
На фотографиите, тој и шкотскиот професионален борач Дру Мекинтајр позираат, двајцата расположени и очигледно задоволни од бицепсите што гордо ги покажаа.
View this post on Instagram
Сликите не се направени случајно, туку двајцата работат заедно на нов проект, римејк на филмот „Хајлендер“ во кој Кроу го игра бесмртниот Рамирез, улога што го направи Шон Конери познат во 1986 година.
Расел Кроу играше во „Гладијатор“ пред 26 години и е очигледно дека не изгледа исто како пред речиси три децении, но ќе се согласите дека изгледа одлично на 62 години, особено откако ослабе повеќе од 20 килограми и ги дефинираше своите мускули.
Актерот мораше да се здебели во 2023 година за да ја игра улогата на Херман Геринг во филмот „Нирнберг“, а откако проектот беше завршен, тежеше 126 килограми.
Патем, тој е во врска со Бритни Териот, која е 19 години помлада од него, среќен е и заљубен, но неодамна проговори дека не планира повторно да се жени, за да не го расипе она што го има сега.
