Попладнево на ждрепката во Нион, Шкендија го дозна името на противникот во плеј-офот за пласман во главната фаза, во Конференциската лига.

Шкендија, доколку во третото коло го елиминира претставникот на Шкотска, Хибернијан, во плеј-офот ќе се соочи со победникот од дуелот меѓу Гетеборг (Шведска) и Гент (Белгија).

Дуелите во плеј-офот се закажани за 20 и 27 август. Доколку се пласира во оваа рунда, Шкендија ќе биде домаќин во првиот натпревар.

Претходно, Шкендија во четврток гостува кај Хибернијан, а реваншот во Скопје ќе се одигра на 13 август.

Foto/ facebook.com/fcshkendija