Тринаесет лица загинаа при пад на туристички авион за време на панорамски лет над светски познатите линии во Назка, едно од најпосетуваните археолошки локалитети во Перу.
Според локалните власти, во авионот имало 11 патници и двајца пилоти, а леталото се урнало во поле во близина на градот Назка. Нема преживеани.
A small tourist plane crashed on Saturday while conducting a sightseeing flight over Peru’s famous Nazca Lines, killing all 13 people on board. Authorities said the aircraft was carrying 11 passengers and two pilots when it went down near the UNESCO World Heritage site in… pic.twitter.com/6yFqmtUDxs
— Mighty News (@Mighty__News) August 1, 2026
Авионот полетал од блискиот град Ика и бил во сопственост на перуанската компанија „Аеродиана“, која со години организира туристички летови над древните геоглифи, впишани на Листата на светско наследство на УНЕСКО.
Причината за несреќата засега не е позната. Перуанските власти отворија истрага, а повеќе информации за околностите под кои дошло до падот на авионот се очекуваат по завршувањето на увидот и идентификацијата на жртвите.
