Во Старата чаршија се одржа 21. издание на Меѓународниот фолклорен фестивал „Фолклорните вечери на Чаршијата“, манифестација која собра фолклорни ансамбли од повеќе држави и во Скопје ја претстави богатата традиција, музика и народни игри од различни култури.

Во име на Општина Чаир, претседателот на Советот на Општина Чаир, Мухамед Муртези, ги поздрави организаторите и ансамблите учесници, истакнувајќи го значењето на фестивалот за зачувување на културното наследство и зајакнување на пријателството меѓу народите.

Со традиција долга 21 година, „Фолклорните вечери на Чаршијата“ остануваат една од најзначајните културни манифестации во летниот календар на Скопје, претворајќи ја Старата чаршија во место каде што се среќаваат културите, традициите и фолклорот од различни земји.