Актерката Ен Хатавеј (43) го покажа своето трудничко стомаче само неколку недели откако беше објавено дека го очекува своето трето дете со сопругот Адам Шулман.
Папараците ја фотографираа на улиците на Њујорк во совршен изглед за трудници. Ен избра долг комбинезон во боја на цреша од брендот „Ashlyn New York“ кој имаше струкиран крој под стомакот.
View this post on Instagram
Изгледот го дополни со соодветни црвени сандали со ремени и високи потпетици.
Иако убавата актерка видливо блеска додека го чека своето трето бебе, неодамна отворено проговори за тоа колку многу сака да биде мајка на своите синови Џонатан (10) и Џек (6), кои ги има со сопругот Адам Шулман.
View this post on Instagram
„Се чувствувам навистина среќна. Знам дека не секој што сака да биде родител успева. Сè уште ме воодушевува колку сум среќна. Имав две одлични бремености, и тоа е вистинска среќа“, изјави таа за „Пипл“.
Кога ја прашале кој е нејзиниот омилен дел од мајчинството, 43-годишната актерка одговорила: „Да се биде мајка е како една прекрасна, континуирана песна во која можам да живеам“.
