Американскиот претседател Доналд Трамп ја критикуваше посветеноста на Шпанија кон НАТО и рече дека Куба, по многу децении, се свртува кон САД, потсетувајќи на историјата на Шпанско-американската војна.
„Ах, Шпанците. Тие се членки на НАТО, но не се многу добри членки на НАТО“, рече Трамп.
„Тие велат: „Не, не сакаме да им помагаме на другите луѓе“. Што правиме ние? Тие не се однесуваат правилно. Наскоро ќе ја научат лекцијата, откако се откажаа од својата контрола врз Куба, Гуам, Филипините и Порторико, а се тоа беше наше. Ние го добивме сето тоа. А кога станува збор за Куба, по многу, многу децении, таа доаѓа кон нас“, додаде тој.
Трамп им кажа на присутните дека штотуку разговарал со 26-от претседател на Соединетите Американски Држави, кој почина пред повеќе од 100 години.
„Дури разговарав и со Теодор Рузвелт“, рече Трамп. „Го прашав: „Што мислите за Панамскиот канал? Дали го сметате за ваше најголемо достигнување? Како се чувствувате во врска со фактот дека демократите го дадоа Панамскиот канал на Панама за еден долар?“
.@POTUS interacts with AI President Theodore Roosevelt at the Theodore Roosevelt Library in North Dakota 🇺🇸 pic.twitter.com/4ISRo2Tsbj
— Margo Martin (@MargoMartin47) July 1, 2026
Трамп всушност зборуваше за интеракција што ја имал со симулација на Рузвелт со вештачка интелигенција. Видео објавено од специјалната асистентка Марго Мартин го покажува Трамп како внимателно слуша додека лажниот Рузвелт го потсетува Трамп дека „нацијата е на прво место“.
