Во вашите педесетти години, не мора да се откажувате од модните трендови или хит фризурите, а еве неколку кои се најпрактични и кои совршено ќе ви одговараат и ќе го освежат вашиот изглед.

Летото е пред врата, а со него и желбата за посвеж, полежерен изглед. Познатиот стилист Закари Џардин издвои неколку фризури кои се идеални за наредните месеци за жени над 50 години. Најдобрите избори се оние стилови кои изгледаат природно, ја зголемуваат самодовербата и подмладуваат.

Подолу погледнете кои летни фризури ќе ве натераат да се потите помалку, но и ќе изгледате значително помлади.

1. Кратка фризура во слоеви
Pixie повеќе не е строга, момчешка фризура. Денешната верзија е помека, поразиграна и многу полесна за одржување.

Експертите истакнуваат дека е идеална за потенка коса, бидејќи текстурата и слоевите создаваат впечаток на поголема густина. Особено добро ги нагласува очите и јаболчниците, па лицето веднаш изгледа поотворено и посвежо. Најчесто се препорачува за жени со овални или срцево лице.

Одличен избор за средно густа коса и тркалезни или квадратни лица.

2. Модерен pixie
Кратките фризури во слоеви се вратија во мода и често се нарекуваат „cool girl“ класика. Слоевите се сечат за да ѝ дадат на косата леснотија и движење, но без да изгубат премногу должина.

Резултатот е коса што изгледа пополна и пожива, особено таму каде што волуменот природно се повлекува.

3. Класичен краток боб
Класичниот боб сè уште ја држи титулата една од најценетите фризури. Дава структура на лицето и помага косата да изгледа поздрава и пополна. Освен што е практичен, особено во лето бидејќи е лесен за одржување, бобот визуелно го „крева“ лицето и дава впечаток на уреден, но природен изглед.

Најдобар е за права и малку брановидна коса.

4. Долги слоеви
Долгата коса сè уште може да изгледа модерно дури и по 50-тата година – клучот е во слоевите. Наместо тешка и безживотна должина, меките слоеви носат движење и леснотија. Косата изгледа посвежа и поприродна, а лицето е помеко врамено. Најдобро функционира на погуста коса и за оние кои не сакаат да ја скратат должината.

5. Фризура „француски лифтинг“
Новата ИТ фризура од социјалните медиуми се потпира на суптилни слоеви околу лицето. Идејата е едноставна: прамените што го врамуваат лицето визуелно ги креваат цртите на лицето, особено јаболчниците и вилицата, без драстични промени.

Фризурата лесно се прилагодува на природната текстура на косата и не бара многу стилизирање, што ја прави идеална за лето.