Американската војска испали ракета „Хелфаер“ кон танкер кој пловеше кон Иран, како дел од блокадата на иранските пристаништа наметната од претседателот Доналд Трамп, кој врши притисок врз Техеран да преговара за мировен договор според неговите услови.
Централната команда на американската војска објави видео на кое се гледа како ракетата го погодува танкерот, велејќи дека целта била машинската просторија на танкерот „Лекси“ со знаме на Боцвана, со што го онеспособила.
CENTCOM announced that U.S. forces disabled a sixth vessel in support of the naval blockade of Iran. The Botswana-flagged tanker Lexie was targeted in the Arabian Gulf while reportedly heading toward Kharg Island after ignoring repeated warnings for more than 24 hours. According… pic.twitter.com/OWZvMpHxIb
— Breaking911 (@Breaking911) June 2, 2026
„Екипажот на бродот ги игнорирал повторените предупредувања, не почитувајќи ги упатствата од американските сили повеќе пати во период од 24 часа. На крајот, американски авион го онеспособил бродот со испукана ракета „Хелфаер“ во машинската просторија на бродот, спречувајќи го танкерот да стигне до Иран“, соопшти Централната команда.
„Лекси“, објави Ројтерс, е шестиот брод што американската војска го онеспособила откако американската блокада на Иран започна на 13 април. Американската војска вели дека досега пренасочила 122 брода кои се обидуваат да влезат или да ги напуштат иранските пристаништа.
