Се појави видео кое повторно ги поттикна шпекулациите за здравствената состојба на рускиот претседател Владимир Путин.

Кратката снимка, го прикажува Путин како добива силен напад на кашлица, пренесува „Телеграф“.

Видеото брзо се прошири на социјалните мрежи и повторно ги оживеа долгогодишните гласини за неговото здравје.

A clip of Vladimir Putin’s speech for International Women’s Day was accidentally published without editing or review.

The Kremlin was supposed to release the final edited version, but the version that appeared included a moment where Putin coughs for about 30 seconds and then… pic.twitter.com/C1rAVVzdut

— China pulse 🇨🇳 (@Eng_china5) March 8, 2026

На снимката се гледа рускиот претседател ја става раката на устата и кашла. Иако видеото е кратко, многумина коментираа дека Путин изгледа уморно и исцрпено, што беше доволно за нов бран реакции на интернет.

Кремљ брзо реагираше на ширењето на снимката и ги отфрли шпекулациите, оценувајќи ги како „уште еден информациски напад на Западот“ со цел дестабилизација на Русија.

Портпаролот на Кремљ, Дмитриј Песков, изјави за државните медиуми дека претседателот е апсолутно здрав и дека нормално ги извршува своите должности.

„Таквите снимки или се вешто монтирани или се извадени од контекст за да се создаде лажен впечаток. Претседателот е добро, станува збор за последици од обична настинка“, изјави Песков.

Ова не е првпат здравјето на Владимир Путин да биде тема на меѓународно внимание. Со години кружат непотврдени информации дека боледува од различни сериозни болести, меѓу кои рак и Паркинсонова болест.

Шпекулациите обично се засилуваат кога Путин поретко се појавува во јавност или кога аналитичари на снимките забележуваат детали како треперење на раката, необичен од или грчевито држење за масата за време на состаноци. Официјална Москва редовно ги демантира ваквите тврдења.