Портпаролот на иранското Министерство за надворешни работи, Есмаил Багеи, објави фотографии од спортскиот комплекс „Азади“ во Техеран, тврдејќи дека бил погоден во тековните напади врз Иран.
„Ова е спортскиот комплекс ‘Азади’ во Техеран, фудбалски стадион кој го нападна истата онаа Америка чиј претседател доби ФИФА награда за мир“, напиша Багеи на социјалните мрежи.
Тој праша дали ФИФА или Меѓународниот олимписки комитет ќе реагираат на ваквиот напад.
Dear @FIFAcom,
Dear @Olympics,This is Tehran’s Azadi Sports Complex، a football stadium، targeted by the same United States whose president received a FIFA “Peace Prize.”
Any comment from FIFA or IOC?! pic.twitter.com/T2BHVvgkSD
— Esmaeil Baqaei (@IRIMFA_SPOX) March 7, 2026
Стадионот „Азади“ е еден од најголемите во Азија и е дом на иранската фудбалска репрезентација. На него минатата година беше одигран натпревар со кој Иран обезбеди пласман на Светското првенство во Северна Америка.
Со децении жените кои живеат под теократската власт во Иран се обидуваа да добијат пристап до стадионите, што властите им го дозволуваа само неволно. Токму на стадионот „Азади“ во 2019 година беше уапсена младата жена Сахар Ходајари, откако преправена во маж се обидела да се вмолкне на натпревар.
Ходајари стана позната како „Сината девојка“, според бојата на дресот на клубот за кој навивала, откако се самозапали кога ѝ беше изречена затворска казна. Нејзината смрт предизвика протести во Иран.
