Министерот за внатрешни работи на Србија, Ивица Дачиќ, е отпуштен од болница по речиси две недели лекување, објави „Телеграф.рс“.
Во придружба на сопругата и синот, тој ја напушти болницата.
Српскиот претседател, Александар Вучиќ, исто така, се огласи на својот Инстаграм профил во врска со неговото отпуштање од болница.
View this post on Instagram
„Ивица штотуку ја напушта болницата. Благодарен сум им на лекарите што направија чудо и среќен сум за него и неговото семејство кои слават живот и голема победа. Да не се налути некој, тој е социјалист, јас не сум, па му благодарам и на Бога. П.С. Почнувајќи од следната недела ќе мора да ми се придружи во работата, нема повеќе мрзеливост“, напиша Вучиќ на Инстаграм.
Дачиќ беше примен во болница на 25 февруари. Истата вечер беше интубиран и поврзан на машина за дишење, а со помош на респираторна поддршка дишеше до 2 март, кога беше исклучен од респираторот.
фото/Instagram/buducnostsrbijeav
