Приватните превозници постигнаа договор со ЈСП и повторно ќе возат, откако денеска им биле префрлени 80 проценти од долгот, односно 40 милиони денари.
„Двата пакети, пакет 1 и пакет 3, кои сабајле возеа само по една тура, сега се активираат од гаражите за да почнат да возат и да ги опслужуваме граѓаните на Град Скопје“, кажа Оливер Петрушевски, приватен превозник од пакет 1.
Тој посочи дека веќе има некои разговори и за цената на километарот и повика тоа да биде разговарано на следната седница на Советот на Град Скопје.
„Очекуваме на првата седница на Град Скопје да биде ставена како точка на дневен ред. Советниците на Град Скопје ќе мора да одлучат дали ќе ги прифатат нашите барања за километарот да биде рентабилен и да можеме во иднина да го обновиме возниот парк и да ги плаќаме шоферите со подобра плата за да не ни бегаат“, рече Петрушевски.
